ილიას სახელმწიფო უნივერსიტეტის
აკადემიური წერის ცენტრის მესამე თემატური კონფერენცია

სამეცნიერო ლიტერატურის მიმოხილვა აკადემიურ ნაშრომში

2023 წლის 23 სექტემბერი

ილიას სახელმწიფო უნივერსიტეტის აკადემიური წერის ცენტრი გიწვევთ თემატურ კონფერენციაზე, რომლის მიზანია პასუხი გაეცეს შემდეგ კითხვებს:

● რა არის სამეცნიერო ლიტერატურის მიმოხილვა?
● რომელი აუცილებელი ფაქტორებია გასათვალისწინებელი ლიტერატურის მიმოხილვის პროცესში?
● როგორ შევარჩიოთ სამეცნიერო ლიტერატურის მიმოხილვის მოდელი სხვადასხვა დარგისა და ჟანრის აკადემიური ნაშრომისთვის?

კონფერენციის ამოცანაა თავი მოუყაროს ილიას სახელმწიფო უნივერსიტეტის პროფესორ-მასწავლებელთა, მკვლევართა და სტუდენტთა მოხსენებებს ლიტერატურის მიმოხილვის სტრატეგიების შესახებ. სწორად განსაზღვრული სტრატეგიები კი საჭიროა, რათა გავიაზროთ ლიტერატურის მიმოხილვის როლი, მიზანი და მასშტაბი სხვადასხვა საფეხურის საკვალიფიკაციო ნაშრომების კონცეფციებთან მიმართებაში. კონფერენციაზე ვიმსჯელებთ ლიტერატურის მიმოხილვასთან დაკავშირებულ უახლეს კვლევებზე, მიდგომებსა და წერის მეთოდებზე; გავაანალიზებთ კონკრეტულ შემთხვევებსა და საუკეთესო ნიმუშებს.

კონფერენციის ფორმატი ითვალისწინებს ძირითად მოხსენებებსა და მრგვალ მაგიდას.
რჩეული მოხსნებები გამოქვეყნდება საკონფერენციო ნაშრომების კრებულში.

სამუშაო ენა: ქართული
კონფერენციის ჩატარების თარიღი: 2023 წლის 23 სექტემბერი

კონფერენციის მსვლელობის დრო: 10:00-18:00 სთ.  

კონფერენციის ჩატარების ადგილმდებარეობა: ილიას სახელმწიფო უნივერსიტეტი, გიორგი წერეთლის ქუჩა 1, საკონფერენციო დარბაზი G 106.

დასწრება თავისუფალია.

კონფერენციის ორგანიზატორი: აკადემიური წერის ცენტრი, ილიას სახელმწიფო უნივერსიტეტი

საკონტაქტო ინფორმაცია: აკადემიური წერის ცენტრი, ილიას სახელმწიფო უნივერსიტეტი, მისამართი: ქ. ჩოლოყაშვილის გამზ. 3/5, ოთახი E 220, ტელ: +995 32 222 00 09 (198), ელ. ფოსტა: writingcentre@iliauni.edu.ge